මිස් යුනිවර්ස් 2017 තරඟය පසුගිය දාක නිමා වුණා. මෙහි ජයග්‍රහණය ලැබුවේ දකුණු අප්‍රිකානු තරඟකාරිය.
නමුත් මේ තරඟයේ සිත් ඇදගත් වෙනත් දේවල් කිහිපයක්, බෙදා ගන්නට හිතුව. එකක් නම් ශ්‍රී ලාංකික අපටත් සතුටුදායකයි.
ශ්‍රී ලංකාව නියෝජනය කරපු ක්‍රිස්ටිනා පීරිස්, මුල් 16 දෙනා අතරට පිවිසුණා. මීට කලින් ශ්‍රී ලාංකිකයෙක් මිස් යුනිවර්ස් හි මුල් 16 අතරට පිවිසුණේ 1955 දී. ඒ, ශ්‍රී ලාංකික Maureen Hingert, තෙවැනි ස්ථානය (Second runner up) වූ අවස්ථාව.
ක්‍රිස්ටිනා, පිළිකා රෝගීන් ගේ සුභ සිද්ධිය ගැන හිතන, ව්‍යාපාරික යුවතියක්. වයස 23 යි. විලාසිතා නිර්මාණකරණය සබැඳි ව්‍යාපාරයක් කරන ඇය විසින්ම තමයි ඇගේ evening gown විලාසිතාව පිළියෙළ කරගෙන තිබුණෙ. මේ පහළ පින්තූරයේ ඉන්නේ ඈ තමයි, ඇගේ evening gown නිර්මාණය සමග. ඇය දිරිමත් කාන්තාවක් බව මම කියන්නේ ඇයි දැයි මේක බැලුවොත් ඔබට වැටහේවි. ක්‍රිස්ටිනා තරඟයේ හොඳ ස්ථානයක් ලබා ගනු ඇති බවට, තරඟය අතරතුරදී දේශීය හා විදේශීය පිරිස්, මත පළකර තිබුණා. නමුත් පොදුවේ බැලුවම ශ්‍රී ලාංකික පිරිස, Beauty Pageants ෆලෝ කරනවා අඩුයි. අපේ අසල්වැසි රටවල් අතරින් පිස්සුවෙන් වගේ Miss Universe ෆලෝ කරන්නේ Philippines, Thailand වගේ ගිනිකොණ දිග ආසියානුවන් තමයි.
 |
| ක්‍රිස්ටිනා පීරිස්, Miss Sri Lanka for Miss universe 2017 |
 |
| ක්‍රිස්ටිනා පීරිස්, Miss Sri Lanka for Miss Universe 2017, in her evening gown |
National Costume හි හොඳම costume එකට තේරී පත් වුණු ජපන් ඇඳුම් විලාසිතාවත් අපූරුයි. වේදිකාවට පිවිසෙන විට සරාගී නින්ජා විලාසිතාවකින් සැරසී එන යුවතිය, වේදිකාව මතදී රවුමක් කැරකෙන ගමන් ඇගේ කරේ තිබෙන පාලකයක් මගින් ඇගේ ඇඳුම කිමෝනාවක් බවට පරිවර්තනය කරගන්නවා. රවුම කැරකෙන්නට පටන් ගන්නා විට නින්ජා ඇඳුමකින් සැරසී සිටින ඇය, රවුම අවසන් කරන්නේ කිමොනාවකින් සැරසී. මේ කෙටි වීඩියෝ එකෙන් මේ අලුත් සංකල්පය ඔබට බලනන්ට පුළුවන්.
එදිනෙදා ජීවිතයේ තාක්ෂනය බෙහෙවින් භාවිතා කරන ජපන්නු, ඔවුන්ගේ නූතන ෆැෂන් මේනියාවත්, ඔරිගමි ඇතුළු සංස්කෘතික දැනුම් පද්ධතියත් එක්තැන් කරගත් අපූරු අවස්ථාවක් ලෙස මෙය දක්වන්නට පුළුවන්.
*****
මේ පෝස්ට් එක ලියපු තවත් හේතුවක් තමයි බ්ලොග් එක පාලු වෙන එක නැවැත්වීම. ලියල මගින් නතර කරපු නව කතාවකුත් තියනව, ලියල ඉවර කරන්න ඕන.
*****
ඔබේ බ්ලොග් පෝස්ට් වලට ජපානයෙන් ආපු පේජ් විව්ස් අඩු වෙලා, එක පාරටම, එක්සත් රාජධානියෙන් පේජ් විව්ස් වැඩි වුනොත්, කලබල වෙන්න එපා, ඒ මම. :)
+++++
ReplyDelete+++++
DeleteThank you :)
me thorathuru bada gaththata thans oyata..
ReplyDeleteබොහොම ස්තුතියි නිර්මාණිට, කොමෙන්ටුවටත්, මේ පැත්තේ ආවටත්.
Deleteශ්‍රී ලංකාවේ තවමත් එක්තරා විදියක ගෝත්‍රිකවාදී මානසිකත්වයක් තියෙන නිසා මේ අංශයේ දියුණුවක් දකින්න අමාරුයි කියලයි මට හිතෙන්නේ.
ReplyDeleteඑහෙමත් එකක් වෙන්න පුළුවන් තමයි.
Deleteකලින් බියුටි පැජෙන්ට්ස් වලට ගිහිපු යුවතියන් ටත් මඩ ගහන්න උවමනා උනාම කොහෙන් හරි ස්විම් සූට් ඇඳපු ෆොටෝ එකක් හොයන් තමයි, කැප්ෂන් එකක් එක්ක මූණු පොතේ හතර අතේ ශෙයා කරන්නෙ. මිනිසුන්ගේ වැරදි වලට බනින්නේ නැතුව ඇඳුමට, පෙනුමට, පුද්ගලික ජීවිතේට, ළමයි නැති කමට නේ බනින්නෙ. ඉතින් හැමෝම මේවට සහභාගි වෙන්නේ බයෙන්. ආත්ම විශ්වාසය ඉහල නංවන්න අපේ රටේ අය මේ යුවතියන්ට උදව් කරන්නේ නැහැ නේ.
උදාහරණයක් විදියට, නැෂනල් කොස්ටියුම් වගේ අංශ වලදී අලුත් දේවල් අත්හදා බලන්න බයයි අපේ රටේ සම්ප්‍රදායන් එක්ක.
"මිනිසුන්ගේ වැරදි වලට බනින්නේ නැතුව ඇඳුමට, පෙනුමට, පුද්ගලික ජීවිතේට, ළමයි නැති කමට නේ බනින්නෙ" ++++++++ සහතික ඇත්ත.
Delete/ශ්‍රී ලංකාව නියෝජනය කරපු ක්‍රිස්ටිනා පීරිස්, මුල් 16 දෙනා අතරට පිවිසුණා./
ReplyDeleteමුල් 16 නෙවෙයි බොලේ අවසාන 16 කිව්වනම් වඩාත් හොඳයි නේද? Last Sixteen...
ක්‍රිස්ටිනා ඇත්තටම හොඳ පර්සනැලිටි එකක් තියන යුවතියක්. පහුගිය අවුරුදු දෙක තුනේ ලංකාවෙන් මිස් වර්ල්ඩ් සහ මිස් යුනිවර්ස් තරඟාවලිවලට සහභාගී වුනු ගෑණු ළමයි එක්ක බැලුවම නම් ක්‍රිස්ටිනා සෑහෙන ඉදිරියෙන් ඉන්නව.
//මුල් 16 නෙවෙයි බොලේ අවසාන 16 කිව්වනම් වඩාත් හොඳයි නේද? Last Sixteen...//
Deleteඒකත් ඇත්ත. කලබලේ ලිවුවෙ. බොහොම ස්තුතියි පෙන්නුවාට වැරැද්ද.
ජයග්‍රාහකයාට පළමු වැනියා කියන නිසා තමයි මුල් 16 කියල ගත්තේ.
//පහුගිය අවුරුදු දෙක තුනේ ලංකාවෙන් මිස් වර්ල්ඩ් සහ මිස් යුනිවර්ස් තරඟාවලිවලට සහභාගී වුනු ගෑණු ළමයි එක්ක බැලුවම නම් ක්‍රිස්ටිනා සෑහෙන ඉදිරියෙන් ඉන්නව.//
අඳුරනවද ක්‍රිස්ටිනා ව?
ඔන්න බලහන් ඉතින් ලස්සන කෙල්ලෙක් නම් කොහේ හිටියත් රවී තුමා අඳුරනව. :D :D
++++++
ReplyDelete++++++
DeleteThank you :)